Torsdag 28. august kl. 20.00 er det klart ein ny runde med Mål- og litteraturkaféen Johannes! Me startar sterkt med duoen Annlaug Børsheim og Olav Tveitane (song og diverse strengeinstrument) som tolkar vakre og slitesterke songar av Robert Burns i Johannes Gjerdåker si uforliknelege gjendikting.
Robert Burns (1759–1796) er Skotland sin nasjonalskald, kjend for å løfta fram folkelege motiv og språk – og for klassikaren «Auld Lang Syne». Johannes gjorde desse tekstane til våre eigne med nynorske gjendiktingar – eit arbeid han fekk mange prisar for.
Kvelden startar med ein samtale mellom vertane Nils Kvamsdal og Gunnstein Akselberg og musikarane. Fast innslag er Gunnstein sin utvalde Johannes-tekst, og ei eller fleire ordforklaringar.
Medlem kr 150,- Ikkje medlem kr 250,-
Tips gjerne ein ven og ta turen til Tre Brør Bar! Me gler oss til å høyra desse vakre songane og nære tekstane i godt lag.
Støtta av Folkeakademiet Voss og Voss Sparebank