Voss mållag har valt ut sitat frå fire bautaer blant dei lokale diktarane; Per Sivle, Sjur Bygd, Johan Fjellby og Signe Seim. No er desse prenta på fine krus, i ein liten og eksklusiv serie. Krusa har god kvalitet og høver godt som jolegåver.

(NB! KRUSA ER NO UTSELDE, men det kjem krus med nye forfattarar i november 2019)

Krusa kan du sjå og kjøpa hjå kasseraren i laget – på Logolink, Vangsgata 26 A, nabobygget til Vekselbanken. (Mån–fre 08.00–15.30)
Prisen er 150 kroner per krus, eller 500 kroner for fire.

Ver raskt ute viss du vil samla ein heil serie, for kanskje vil me gjera krus på fleire diktarar neste år!

VOSS BIBLIOTEK TORSDAG 15. NOVEMBER KL. 19

Velkomen til bokkveld der JAN INGE SØRBØ kjem til Voss bibliotek for å snakka om boka Nynorsk litteraturhistorie.
Her finst kjende storleikar som Arne Garborg, Tarjei Vesaas, Marie Takvam, Jon Fosse og Olaug Nilssen, så vel som forfattarar som fortener ny merksemd, som Gro Holm og Sjur Bygd.

VOSS KULTURHUS – TORSDAG 4. OKTOBER – KLOKKA 19.00

Velkomen til lansering av ei bok Johannes Gjerdåker har arbeidd med i det siste, der han har gjort eit større utval av dikt frå Per Sivle. Boka er eit samarbeid mellom Gjerdåker og Villanden forlag som er utgjevar.

Tilskipar er Voss lyrikklag, forlaget og Voss bibliotek.

Den fyrste song, Lerka og andre skattar

• Villanden forlag v/Mona Grenasberg les og fortel om utvalet
• Diktopplesing av ​Johannes Gjerdåker
• Musikk og song av Sivle-songar
• Lanseringskake og kaffi
• Boksignering

Per Sivle er ein diktar som står i ei særstilling for folk. Alle kjenner «Den fyrste song eg høra fekk» eller «Lerka». Johannes Gjerdåker, ein av Noregs beste attdiktarar, har i lag med forlaget valt ut over 60 Sivle-dikt, både personlege, historiske og nasjonale skattar.​

Og vesla lerka,
ho hev det so,
at finn ho ein tuve-topp fri for snjo,
so kved ho i
med sin gladaste song,
– so trur ho på vår
med ei einaste gong.
– «Å hei! å hi! å tiriliti!»

VOSS BIBLIOTEK – TORSDAG 5. APRIL – KLOKKA 19.00

6. april er det 200 år sidan AASMUND OLAVSSON VINJE vart fødd. Voss bibliotek feirar dagen saman med Voss Lyrikklag og Voss mållag.

OTTAR GREPSTAD frå Nynorsk Kultursentrum vil halda foredrag om Vinje.

D’KOR vil framføra songar av Vinje og det vert sjølvsagt ALLSONG og BLAUTKAKE i høve den store dagen.

Inngang kr 200,- / Medlemmer i Voss Lyrikklag kr 150,-