Tysdag 3. mars kl. 20 (merk deg dagen) kjem forfattaren Ruth Lillegraven og musikaren Rannveig Djønne til Tre Brør Bar som gjester i Mål- og litteraturkaféen Johannes. Lillegraven og Djønne har i over ti år funne ein heilt særmerkt tone saman, og her får me oppleva at ord og musikk får gå tett i kvarandre – utan hastverk, og med mykje kjensle.

Sigrid Undset og Jon Fosse er to av dei største forfattarane Noreg har fostra. Begge har vunne Nobelprisen i litteratur. 15. februar vert det eit todelt program i Olavsalen på Voss folkehøgskule der musikk, song og tekstutdrag lyfter fram både det poetiske og det personlege gjennom eit sjeldsynt møte med Undset og Fosse i ord og tonar.

Me byr på gratis, feiande og flott dokketeater! I eventyret Den felespelande grashoppa får marionettane liv på magisk vis. Korleis? Det vil marionett-makar Wiebke fortelja meir om og visa oss. 

Dag Helleve er gjest i den fyrste Mål- og litteraturkaféen Johannes i år. I samtale med Gunnstein Akselberg og Nils Kvamsdal får me dukka ned i Dag sin mangslungne forfattarskap – frå romanen Brøyt som kom i 1985, til den ferske litterærmusikalske framsyninga HUSTVEIT. Irene Tillung komponerte musikken som vart urframført under Osafestivalen, og ho kjem for å gje oss smakebitar.