Me minner om årsmøtet i Voss mållag tysdag 10. mars kl. 19.00 på Voss gymnas.

Vanlege årsmøtesaker. I tillegg vil Snialvur Joanesarson fortelja om språksituasjonen på Færøyane.

Velkomen!

Styret i Voss mållag gjorde nyleg vedtak om å utnemna Johannes Gjerdåker til heidersmedlem i Voss mållag, for mangeårig og framifrå innsats for nynorsken. 

Johannes Gjerdåker (f. 1936) har vore leiar for Voss mållag ved to høve, 1978-79 og 1991-93, og sat òg fleire år i styret. Han har vore ein sikker nynorskbrukar heile livet. Han har skrive mykje lokalhistorie, han har hatt ei fast spalte i Hordaland, han har skrive eigne dikt og omsett dikt frå engelsk, tysk, latin, islandsk og persisk. I alt dette har han vist seg som stø skribent, med stor språkkjensle og rikt ordtilfang.

Gjerdåker har tidlegare vorte heidra av andre. I 1992 fekk han kulturprisen til Voss kommune, og for omsetjingane sine fekk han i 1997 Bastianprisen, i 1999 Melsomprisen og i 2006 Kritikarprisen. 

Eirik Helleve
leiar Voss mållag

_{(Bilete: Johannes Gjerdåker og Eirik Helleve, 19/2-2020. Fotograf: Arnfinn Gjerdåker)}

GAMLEKINOEN

Fredag 31.janaur kl 19.30 og
Laurdag 1. februar kl. 17.00

Billettar (kr 300) er å få kjøpt på www.vosskulturhus.no og i Voss Bokhandel.

Jakob Sande henta det meste av stoffet frå sjømannslivet og livet i vestlandsbygdene. Dikta han skreiv vekslar mellom burlesk og til tider grotesk humor (til dømes i «Kallen og katten» og «Likfunn») til sterkt kjensleladde dikt som «Fløytelåt» og «Vesle Daniel». Jakob Sande har òg skrive seg inn i salmebøker med «Det lyser i stille grender», «Salme» og «Åndeleg sjømannssong».

Eit lyrisk musikalsk verk om kvinnehistorar knytt til Finnesloftet.

Vangskyrkja, sundag 26. januar

Tekstar av Signe Seim, og ny-arrangert musikk av Jo Asgeir Lie etter komposisjon av Per Indrehus. Kvinner frå ulike tidsaldrar møtest, der tid ikkje lengre er tid, og tidsalder ikkje finst.

Forteljar: Ragnhild Gudbrandsen
Song: Berit Opheim, Dorthea Bergo
Song, langeleik og lyre: Margit Myhr
Fløyter: Laila Kolve
Akkordeon: Jo Asgeir Lie

Dørene opnar kl. 17.30, konserten startar kl. 18
Framsyninga varer omlag 75 minuttar.
Billetten inkluderer omvisning på Finnesloftet 26/1 kl. 11,
kontakt Denne e-postadressen er beskyttet mot programmer som samler e-postadresser. Du må aktivere javaskript for å kunne se den.

Billettar: Ticketmaster.no / Voss bokhandel. Pris: 375,-

Fortidsminneforeningen Hordaland
i samarbeid med HiHat Management