Styret i Voss mållag ynskjer å fornya lovene i laget. I tråd med gjeldande lover kunngjer me dette innan ein månad før årsmøtet, som vert 17. mars kl. 19.00 på Voss folkemuseum. Grunngjeving og forslag til nye lover kan du lesa denne sida.

Aslak L. Helleve, leiar i Voss mållag 1982–83, heldt det fylgjande foredraget på jubileumsfesten til Hordaland mållag, 22. august 2020. 

Hordaland mållag – ein 50-åring fødd i strid

Nokre minne – og påminningar, frå ein som var med

Hordaland Mållag vart skipa i 1970, og markerte såleis 50 års-jubileet i 2020. Knut O. Dale oppmoda meg om å fortelja noko om bakgrunnen for skipinga av laget. Det som her fylgjer er ein lang versjon av det kåseriet eg heldt på jubileumsfesten etter årsmøtet laurdag 22/8 2020.

I samband med Olaug Tvilde si gravferd 9. oktober 2020 vart det gjeve gåver til Voss mållag på til saman 7550 kroner. Me er svært takksame for gåva og lyser fred over minnet til Olaug.

Johannes Gjerdåker døydde 27. april, 84 år gamal. Gjerdåker var formann i Voss mållag ved to høve, 1978–79 og 1991–93, og sat òg fleire år i styret. Han var ein sikker og stø nynorskbrukar heile livet. Han var ikkje den som oftast tok ordet i offentlege ordskifte, men dei gongene han gjorde det, var han svært engasjert. 

Gjennom dei mange bøkene og artiklane sine viste Gjerdåker at nynorsk kunne brukast til alt. Han skreiv sakprosa, han skreiv eigne dikt, og han omsette dikt frå ei rekkje språk. Han hadde ei sterk språkkjensle og eit rikt ordtilfang, og omsetjingane hans var ikkje ferdige før han hadde funne det rette ordet.

Han var godt kjend med norsk målsoge, og han gjorde òg sitt til å gjera målsoga kjend for fleire. På sitt eige forlag, Vestanbok forlag, gav han ut tre bøker med tekstar av Ivar Aasen. 

Johannes Gjerdåker vart utnemnd til heidersmedlem i Voss mållag i februar i år. Me er glade for at han fekk den heideren, og me er takksame for alt han har gjort for det nynorske språket. Me lyser fred over minnet hans.

For styret i Voss mållag
Eirik Helleve