Fullt hus med nær 70 personar på Tre Brør Kafé fekk tilbakeblikk på livet til Johannes Gjerdåker, levande fortalt av ein av dei som kjende han best, brorson Svein Gjerdåker. Mål- og litteraturkaféen var som vanleg stødig leia av Nils Kvamsdal, med Gunnstein Akselberg som fylgjesvein og servitør av kunnskap og interessante godbitar. Dei heldige som møtte opp denne kvelden fekk òg med seg musikk frå feletalentet Anders Møn Mjelde.

6. mars kl. 20.00 er du velkomen til ny mål- og litteraturkafé, denne gongen i hovudetasjen på Tre Brør. Gjest er Svein Gjerdåker, redaktør i Dag og Tid.

Marta Norheim og Gunnstein Akselberg gav 90 tilhøyrarar på Voss gymnas innsikt i Marta si fartstid i statskanalen og tankar rundt litteraturkritikk i kveld. Kort sagt ei triveleg stund for språk- og litteraturinteresserte. Kvelden heldt fram med Marta sitt interressante og innsiktsfulle føredrag om kva som kjenneteiknar Jon Fosse sitt forfattarskap.  Takk til alle som møtte opp og laga ny rekord for «Johannes» denne kvelden.

Spesialutgåve med Jon Fosse som tema
Torsdag 6. februar kl. 19.00 i Store auditorium på Voss gymnas.
Gratis inngang

Kvelden startar med at Gunnstein samtalar med kveldens gjest, Marta Norheim. Den mangeårige NRK-medarbeidaren skal mellom anna fortelja litt om åra som litteraturkritikar og programleiar i statskanalen, og Gunnstein vil spørja henne om korleis ho ser på litteraturen sin posisjon i NRK i dag samanlikna med tidlegare.
Men hovuddelen av programmet er Marta Norheim sitt føredrag om Jon Fosse og litteraturen han fekk Nobelprisen for.

Utstilling av Fosse-bøker, god stemning og godt lag – velkomen!

Som vanleg er det Voss mållag som står som tilskipar. Vel møtt!