Sigrid Undset og Jon Fosse er to av dei største forfattarane Noreg har fostra. Begge har vunne Nobelprisen i litteratur. Sundag kveld vert det eit todelt program i Olavsalen på Voss folkehøgskule der musikk, song og tekstutdrag lyfter fram både det poetiske og det personlege gjennom eit sjeldsynt møte med Undset og Fosse i ord og tonar.

Tre profesjonelle kunstnarar står på scenen: Arnhild Vik (komponist og pianist), Eline Holbø Wendelbo (skodespelar og songar) og Brage Botn Seim (cello). Fyrste del har tittelen «Nobelt møte». Her får me høyra dikt av Undset og Fosse, tonesette av Arnhild Vik. 

Arnhild har ei god tilknyting til Voss. Ho gjekk musikklina på Voss gymnas på 70-talet og var aktiv i musikklivet, studerte så vidare ved Norges musikkhøgskole og i London, og har seinare hatt eit langt yrkesliv i Oslo – mellom anna ved musikkhøgskulen. No er ho pensjonist, men held fram som aktiv komponist og pianist.

Fyrste del har tittelen «Og takk til Gud», med vekt på den religiøse sida av forfattarskapen til Fosse og Undset. Begge konverterte til katolisismen, og Olavsalen passar difor godt som ramme – sidan Lars Eskeland, mangeårig styrar ved Voss folkehøgskule, òg vart katolikk. I arkivet ved Nasjonalbiblioteket er det funne brevveksling mellom Sigrid Undset og Lars Eskeland, og Lyder Veum vil fortelja kort om dette i innleiinga. Publikum får høyra utdrag frå Undset sitt verk «Den brennende busk» og Fosse si «».

Etter ein kaffipause held kvelden fram med «Nobelt møte». Her får me høyra dikt av Undset og Fosse, tonesette av Arnhild Vik.

Konserten «Nobelt møte» hadde premiere på Bjerkebæk på Lillehammer våren 2024 i samarbeid med Norsk Litteraturfestival, og vart òg spelt i Fossehuset i Strandebarm seinare same året. Undset-tekstane er henta frå diktsamlinga «Ungdom», medan Fosse-dikta er henta frå fleire samlingar, mellom anna «Songar» og «Stein til stein».

Tilskiparar: Folkeakademiet Voss, Voss mållag, Voss lyrikklag og Voss kyrkjeakademi - med støtte frå Voss Sparebank

Tid og stad: Sundag 15. februar kl 18.00, Olavsalen – Voss folkehøgskule (NB. Parkering ved Sylvsmidja)
Pris: kr 350 (Vipps eller kontant i døra)

Me byr på gratis, feiande og flott dokketeater! I eventyret Den felespelande grashoppa får marionettane liv på magisk vis. Korleis? Det vil marionett-makar Wiebke fortelja meir om og visa oss. 

Dag Helleve er gjest i den fyrste Mål- og litteraturkaféen Johannes i år. I samtale med Gunnstein Akselberg og Nils Kvamsdal får me dukka ned i Dag sin mangslungne forfattarskap – frå romanen Brøyt som kom i 1985, til den ferske litterærmusikalske framsyninga HUSTVEIT. Irene Tillung komponerte musikken som vart urframført under Osafestivalen, og ho kjem for å gje oss smakebitar.

To av dei fremste folkemusikarane i Norden i eit unikt samarbeid: Knut Hamre frå Granvin og Sinikka Langeland frå Finnskogen. I programmet Det blå landet har dei henta fram dikt av Olav H. Hauge og Hans Børli – to lyrikarar som på kvar sin kant har fanga magien, stillheita og mystikken i naturen. Med klangen av hardingfele og kantele skapar dei eit heilt nytt lydlandskap der folkemusikk og poesi smeltar saman til noko både jordnært og tidlaust.